RENEA dhe FNSH vijojnë kontrollet në Vlorë, atje ku mbrëmjen e së dielës u ekzekutua me snajper, teksa ndodhej në ballkonin e banesës së tij, 23-vjeçari, Gëzim Sinomati.
Nga raportimet mësohet se policia ka shoqëruar 15 persona, ndërkohë që për njërin prej tyre është vendosur arresti në kushtet e flagrancës, pasi i është gjetur armë zjarri pa leje në banesë.
Sipas raportimeve, mësohet se të ndaluarit i përkasin dy grupimeve, ndërsa të njëjtët persona janë ndaluar edhe pak orë pas ngjarjes së rëndë të katër ditëve më parë.
RENEA dhe FNSH kanë ngritur pika kontrolli jo vetëm në pikat hyrëse dhe dalëse të qytetit, por edhe në akset rrygore të brendshme, duke kontrolluar automjetet luksoze dhe ato me xhama të errët për armë apo lëndë narkotike.
Gjithashtu kontrolle po ushtrohen edhe në ambiente ku nga të dhënat policore qëndrojnë personazhe të inkriminuar apo të njohur për lidhjet e tyre kriminale.
Discussion about this post