Ish-anëtari i Këshillit Kombëtar, Edvin Kulluri, ka hedhur akuza të forta sot ndaj kreut të PD, Lulzim Basha. Përmes një interviste televizive ai tha se Basha dhe mbështetësit e tij në kryesi, se kanë falsifikuar firmat e delegatëve që pritet të marrin pjesë në pseudo-Kuvendin e 18 dhjetorit. Ndër të tjera, Kulluri u shpreh se Basha dhe gënjeshtrat e tij për të uzurpuar karrigen janë çështje që tashmë i përkasin të shkuarës.
“Pas konfirmimeve që kam bërë vetë në disa degë, rezulton që numri i delegatëve të deklaruar nga z. Bardhi për pjesëmarrjen në pseudo-Kuvendin e datës 18 është më i madh se numri real i delegatëve të degëve. Psh dega Gjirokastër ka rreth 148 delegatë dhe z. Bardhi ka deklaruar 204 delegatë pjesëmarrës në datën 18 apo siç ka qenë rasti i Lezhës një falsifikim i hapur dhe i paskrupullt i shifrave të delegatëve. Arsyeja pse ndodhin këto janë arsyeja pse kanë ndodhur prej 4 vitesh gënjeshtra pas gënjeshtre nga elita drejtuese e PD për arsyen e vetme që të mbajnë të uzurpuara karriget dhe drejtimin e PD”, tha Kulluri, ndërsa u shpreh se Basha dhe mbështetësit e tij i përkasin të shkuarës.
Discussion about this post