Erdogan: SHBA dhe Britania po e kthejnë Detin e Kuq në det me gjak

Sulmet e Shteteve të Bashkuara dhe Britanisë kundër Houthis në Jemen nuk kanë qenë proporcionale, tha presidenti i Turqisë, Recep Tayyip Erdogan.

Presidenti turk pretendoi se të dy vendet po përpiqen ta kthejnë Detin e Kuq në një “det gjaku”, raportojnë mediat e huaja.

Ai shprehu gjithashtu mendimin se Izraeli do të dënohet në Gjykatën Ndërkombëtare të Kombeve të Bashkuara në Hagë, ku Afrika e Jugut ka apeluar kundër tij, duke e akuzuar atë për “akte që përbëjnë gjenocid” kundër palestinezëve në Gaza.

“Unë besoj se Izraeli do të shpallet fajtor”, tha Erdogan.