Kryeministri Edi Rama me ftohtësi dhe pa emocione i ka bërë dush të ftohtë strukturave të Partisë Socialiste në Shkodër, ndërsa ka lënë pak vend për diskutime.
Në takimin që kishte për qëllim analizën e 25 prillit dhe riorganizimin e PS, kryeministri Rama tha se partia në Shkodër do të ketë riorganizim nga zero, në përpjekje për të rregulluar gabimet e së shkuarës duke synuar një rikthim dinjitoz siç i ka hije partisë politike më të madhe në vend.
Në analizën për zgjedhjet e 25 prillit Rama i konsideroi të pafalshme dhe zhgënjyese në qytet. Ai nënkuptoi se nuk është punuar në nivel të kënaqshëm kur tha “se vetëm me lulen simbol të PS” do ishin fituar 3 deputet, pra 3 mandate ndërsa shtoi se të gjitha organizatat humbëse do të zëvendësohen nga njerëz të rinj me energji të reja.
Kanë qenë të pakta diskutimet pas fjalës së Ramës ndërsa në takim ishin përveç deputetëve edhe Damian Gjiknuri, Etilda Gjoni dhe Anila Denaj.
Discussion about this post