Në një mbrëmje të gjatë dhe me befasi, edicioni i tretë i Big Brother VIP Albania ka mirëpritur banorë të shumtë VIP, të cilët kanë bërë hyrjen e tyre në shtëpinë e famshme.
Një prej tyre ishte dhe bukuroshja Rike Roçi, e cila ka përjetuar një pritje të gjatë dhe të ftohtë para se të hynte teksa ishte pozicionuar në lartësi mbi një vinç jashtë shtëpisë.
Rike u prezantua në fillim të programit, por ndryshe nga të tjerët, ‘Vëllai i Madh’ kishte vendosur që ajo të qëndronte në ajër të hapur, në një vinç të ngritur lart, në kushte të vështira dimërore me temperatura që binin nën zero.
Duke lënë të kuptohej se hyrja e saj do të ndodhte shpejt për të mos u ekspozuar ndaj të ftohtit, Rike përfundoi duke pritur më shumë se tri orë përpara se të bënte hyrjen e saj zyrtare në shtëpi, duke qenë e 16-ta në radhë nga banorët që u pranuan brenda.
E njohur për bukurinë dhe praninë e saj në evenimente sportive, Roçi u bë e famshme si një nga tifozet më seksi të Kombëtares Shqiptare gjatë Kampionatit Evropian të vitit 2016.
Ajo gjithashtu ka qenë pjesëmarrëse në edicionin e pestë të Big Brother, në kohën kur ky spektakël organizohej vetëm me banorë të thjeshtë, jo VIP.
Hyrja e saj në Big Brother VIP Albania shfaqet jo vetëm si një sfidë e re në karrierën e saj, por edhe si një test i vërtetë i qëndrueshmërisë dhe durimit pasi u detyrua të përballë kushtet e vështira klimaterike që arritën kulmin me atë pritje të gjatë dhe të ftohtë.
Discussion about this post