Kryetari i Bashkisë Berat, Ervin Demo, nuk bën tendera të rregullt duke vënë fondet në risk të lartë korrupsioni. Veprimet e tij të fundit të lënë të dyshosh se edhe paratë për riparimin e lagjeve historike në Berat do të cenohen dhe përvetësohen.
Një rast i tillë është tenderi i fundit me objekt “Rehabilitim i nyjes se trafikut Mangalem”. Konkretisht, do të bëhet rehabilitim i një rrugice të vogël që ndodhet në këtë lagje të vjetër të Beratit, ku prej shumë vitesh nuk është vënë kurrë dorë.
Objekti i tenderit thotë që do të bëhet rehabilitimi i rrugës, por në fakt mënyra se si është ndërtuar procedura e prokurimit na tregon se qëllimi kryesor qenka përfitimi dhe gostitja e ndonjë miku biznesmen.
Ky tender menjëherë ka marrë “Red Flag” nga Open Data Albania që e vlerëson me risk korrupsioni.
Duke qenë se fondi limit i vendosur në dispozicion është vetëm 180 milionë lekë, një vlerë e vogël kjo për “peshkaqenët” e mëdhenj, në komision janë paraqitur vetëm 2 oferta. Demo nuk i ka trajtuar në mënyrë të barabartë dy kompanitë, për shkak se fituesi është përcaktuar më parë.
Kështu, në fazën e parë Demo përjashtoi nga gara firmën L.T.E CONSTRUCTION SHPK, të cilës i gjetën si shkelje se “Për punonjësin L.R ka deklaruar dy profesione, njëherë si hekurthyes dhe si asfaltoshtrues”. Kompania tjetër, BESTA SHPK, e cila kishte paraqitur ofertën me vlerë 174 milionë lekë, në mungesë konkurrence u shpall fituese. Kjo fimrë ka pronar Robert Zykën nga Dimali, i cili është partner në tendera me oligarkun Shkëlqim Fusha (Fusha shpk). Po ashtu, Robert Zyka rezulton të ketë fituar tenderë edhe në partneritet me “Llazo” shpk dhe “Shkëlqimi 07” Shpkm të dyja të njohura për afërta me prokurimet.
Ndryshe nga dy lagjet e tjera, “Mangalemi” ka një terren më tepër të vështirë.
Banesat janë shumë të ngjeshura njëra me tjetrën dhe në pjesën dërrmuese janë të dimensioneve të vogla. Shumica e tyre janë pa oborr dhe pa kopshte, si pasojë, hyrjet e banesave dalin drejtpërsëdrejti në rrugicë.
Por, edhe atë rrugë kryesore që kanë nuk kujtohet askush t’ua rregullojë, edhe ky tender që po zhvillohet duket qartë që do derdhe në këtë rrugë vetëm një pjesë të fondit të përcaktuar.
Në vend të kësaj, Demi merret me zbukurimin e një rrethrrotullimi që mund të qëndrojë shumë mirë edhe në gjendjen që është aktualisht (shihni foton më poshtë)
Projekti i rrethrrotullimit “Nyja e trafikut Mangalem” përfshin asfaltimin dhe vendosjen e sinjalistikës horizontale. Dhe për këto vizime, kompania do të marrë 174 milionë lekë (pa TVSH).
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post