Derbi shqiptarësh, Broja përballet sot me Xhakën në Premier League?

Ditën e sotme në 16:00 Arsenal do të presë Southampton për ndeshjen e javës së 16 të Premier League.

Kjo përballje e bukur mund të bëhet më e veçantë dhe mund të na sjellë një derbi shqiptarësh në kampionatin më të fortë të momentit në botë.

Mesfushori me origjinë shqiptare i Arsenal, Granit Xhaka është rikthyer pas një mungese rreth dy mujore, prej dëmtimit që e la jashtë fushës së blertë.

Nëse Xhaka do të zbresë mbrëmjen e sotme në fushë, atëherë ai do të ketë përballë talentin e Kombëtares ‘Kuqezi’, Armando Brojan, që pritet të jetë pjesë e formacionit fillestar të Southampton.

Broja ka treguar super formë me ekipin e tij dhe ka treguar se është vendimtar aty, ndaj dhe sot pritet të bëjë diferencën.

Aktualisht këto dy skuadra kanë një diferencë të konsiderueshme në pikë e renditje me ’The Gunners’ që qëndrojnë në vend të 7 me 23 pikë, teksa Southampton renditet i 16 me 16 pikë./K.T/Gijotina.com