Ina Xhaxho, vajza e mjekut të njohur kardio-anestezist, Roland Xhaxho, në klinikën e të cilit u bë ndërhyrja, e cila rezultoi fatale për vogëlushin Brian Spahiu, ka reaguar me anë të një postimi në Instagram lidhur me lajmet që qarkulluan një ditë më parë, sipas të cilave ajo nuk kishte licencë.
Referuar lajmeve, Ina Xhaxhos i është refuzuar marrja e licencës 6 herë dhe e ka marrë licencën vetëm 1 muaj pas ngjarjes tragjike, ku 3-vjeçari Brian Spahiu.
Por Ina Xhaxho e konsideron si të pavërtetë lajmin, duke u shprehur në reagimin e saj se është e pamundur të funksionosh si spital për 12 vite pa pasur licencë.
“Në fillim babain ma bën dentist, pastaj kirurg, derisa mësuan termin kardioanestezist. Pastaj klinikë kërpudhash, derisa mësuan se jemi spital. Pasi Inën e bëtë kriminele, doli që Ina nuk ka qenë fare prezente gjatë kohës së ndërhyrjes. E ndërsa tani, të gjithë gjobaxhinjtë, të cilët nuk morën asgjë nga ne, ngelën pa lajmë nxorrën një tjetër lajm.
E në fakt a të lejojnë 12 vite të punosh në spital pa license? O ju gazetarë që keni diploma vazhdoni dhe bëni lajme. O popull i keqinformuar mediatikisht mos mallkoni kot pa ditur të vërtetën, se kriminel quhet dhe ai që mallkon”, shkruan Ina Xhaxho, ndërsa në postimin e saj ka bashkëngjitur edhe licencën “Për ushtrimin individual të profesionit të stomatologut”, e lëshuar në datë 09.10.2019.
Discussion about this post