Ashtu si në Premier League, ku në ndeshjen mes Arsenal dhe Southampton mund të shohin derbi shqiptarësh me Granit Xhakën dhe Armando Brojën, edhe në La Liga të Spanjës kemi një takim po kaq interesant.
Në orën 14:00 do të nisë ndeshja mes Espanyol dhe Levante, e cila është e vlefshme për javën e 17 të kampionatit kryesor të futbollit spanjoll.
Ekipi i yllit të Kombëtares ‘Kuqezi’, Keidi Bares do të presë Levanten e Enis Bardhit dhe Shkodran Mustafit.
Ndërsa nga Espanyol, Bare do e nisë këtë takim nga stoli, tek skuadra kundërshtare të dy shqiptarëve u është besuar roli i titullarit, pasi si Bardhi ashtu edhe Mustafi kanë treguar se janë vendimtarë në të paktat pikë që ka marrë ekipi i tyre.
Aktualisht Espanyol renditet në vend të 11 të tabelës së La Ligas me 20 pikë, teksa Levante është e fundit me vetëm 8 pikë në 16 ndeshje./K.T/Gijotina.com
Discussion about this post