Kush janë dy sekretarët e PD që i bashkohen Kuvendit të 11 dhjetorit

Shumë figura të rëndësishme të PD i janë bashkuar Kuvendit Kombëtar të thirrur nga ish-kryeministri Sali Berisha.

Ndër to, Ervin Minarolli dhe Ivi Kaso, përkatësisht Sekretar Organizativ dhe Sekretar për Çështjet Zgjedhore në Partinë Demokratike, iu bashkuan sot Kuvendit të thirrur nga delegatët e Partisë Demokratike, që po zhvillon punimet në Air Albania.

Dy sekretarët demokratë gjithashtu janë pjesë e Komisionit, bashkë me Albana Vokshin, Belind Këlliçin dhe Edmond Spahon, që do të drejtojë punimet e Kuvendit.

Më herët, kuvendi miratoi statutin e ri të PD, ndërsa do të bëhet me votim të fshehtë shkarkimi i kreut aktual të PD, Lulzim Bashës.