Ndërsa ish-kryeministri Sali Berisha po mban fjalën në Kuvendin e thirrur nga vetë ai për rithemelimin e PD, në ambientet e brendshme të stadiumit “Air Albania”, po votohet shkarkimi i Lulzim Bashës.
Shkarkimi i Bashës po zhvillohet në mënyrë të fshehtë, ndryshe nga sa u veprua me miratimin e ndryshimeve në statut, me shkarkimin e sekretarit të Përgjithshëm dhe të tre nënkryetarëve.
Ndërsa delegatët votojnë për shkarkimin e tij, nga ana tjetër, Lulzim Basha po zhvillon një ceremoni në selinë blu me rastin e 31-vjetorit të themelimit të PD, ku i bëri thirrje demokratëve të mos turbullohen nga e shkuara, referuar Berishës.
Discussion about this post