Berisha në arrest shtëpie, Meta tregon nëse ka komunikuar me të

Kryetari i Partisë së Lirisë, Ilir Meta thotë se i ka shprehur solidaritetin ish-kryeministrit Sali Berisha, i cili ndodhet në arrest shtëpie.

Në një konferencë me gazetaret, Meta thotë arrestimi i Sali Berishës  është një përndjekje politike për të goditur opozitarizmin.

Përgjegjës bën Edi Ramën, që sipas tij ka kapur drejtësinë dhe bën presione.

“Jemi përshëndetur, i kam shprehur soliditetin tim të plotë. Kemi të bëjmë me një përndjekje politike dhe me një përpjekje për të minuar opozitarizmin në vendin tonë. Të gjitha këto diktohen nga Edi Rama përmes kapjes së drejtësisë dhe përmes gjithë presioneve që ai ushtron në këtë drejtim”.

Sa i takon reformës zgjedhore, Meta u shpreh: Ne jemi shumë të qartë sa i takon reformës zgjedhore. Rama nuk ka interes për reformë, sepse nuk ka interes për zgjedhje të lira. Ne mbetemi të hapur për zgjedhje të lira, për garantimin e të drejtë së votës.

Jemi në një situatë tërësisht reale dhe aspak imagjinare, por të paralajmëruar prej kohësh nga ish-presidenti, në atë të kapjes së shtetit  dhe të zerimit të pavarësisë së çdo institucioni të pavarur.

Meta ka folur edhe për vendimin e presidentit Begajt për të dekretuar propozime e qeverisë për ndryshimin e ligjit për ngritjen e komisioneve hetimore dhe deklaratën e mëvonshme të kryeministrit Rama.

Kemi përjetuar së bashku momente aspak imagjinare, por tërësisht reale, pasojat që po vuajmë edhe sot dhe do të vuajnë për periudha të gjatë.

Nuk ka qenë imagjinuar betimi tek noterja te Lana i një kandidateje të Gjykatës Kushtetuese. Nuk ka qenë imagjinare votimi  me 69 vota e Prokurorit të Përgjithshme. Nuk ka qenë imagjinare kapja e shendetësisë, imagjinar është vetëm inceneratori i Tiranës.

Lidhur me vendimin e Begajt, nuk kam arsye të flas si ish-president, sepse cdo president dhe ka të drejtën dhe gjykimin e tij, por është një fakt që nga arsyet të kësaj krize madhore është tmerri i Edi Ramës dhe mazhorancës nga llogaridhënia, të cilën e garanton kushtetuta, vendimet e Gjykatës Kushtetuese, dhe këtë llogaridhënia e minon ky ligj, që tregon vendosmërinë e qeverisë për të pasur vetëm një qëllim madhor, për të pasur korrupsion galopant. Partia e Lirisë është me të gjitha kauzat e opozitës për të vendosur normalitetin në vend.