Sporti në zi! Ish-kampioni i botës vdes në moshën 29-vjeçare

Kampioni i botës në kërcim me shtizë për vitin 2015, kanadezi Shaën Barber ka vdekur në moshën 29-vjeçare pas komplikimeve mjekësore.

Kanadezi vdiq në shtëpinë e tij në Kingwood, Teksas pas komplikimeve mjekësore dhe nuk janë dhënë detaje të mëtejshme për rrethanat e vdekjes së tij.

“Përveç të qenit një atlet i jashtëzakonshëm, Shaën ishte një person me zemër të mirë që gjithmonë i vinte të tjerët para vetes”, ka thënë fillimisht agjenti i tij Paul Doyle.

“Të humbasësh një person kaq të mirë në një moshë kaq të re është tragjike”, përfundoi agjenti i sportistit.

Në vitin 2015, Barber mundi gjermanët Raphael Holzdeppe dhe Renaud Lavillenie për të fituar titullin e botës me një kërcim prej 5.90 metrash.

Barber më pas arriti në finalen e Lojërave Olimpike 2016 në Rio, por pa fituar asnjë medalje.

Rekordi i tij në natyrë ishte 5.93 m, i arritur në vitin 2015, dhe ai kërceu 6 metra në 2016 në ambiente të mbyllura.