Ish-kandidati për kryetar të PD-së, Fatbardh Kadilli mbajti gjithashtu fjalën e tij në Kuvendin e thirrur nga ish-kryeministri Sali Berisha për ndryshimin e statutit të PD dhe shkarkimin e Lulzim Bashës.
Kadilli i bëri thirrje Berishës të largohet së bashku me Bashën, dhe t’i hapin rrugën një lideri të ri, si e vetmja rrugën për ndryshimin e vërtetë të PD.
“Rregulli duhet të fillojë të zbatohet me Lulzim Bashën dhe Sali Berishën. Vetëm nëse Basha dhe Berisha përjashtohen ne do të kalojmë provën e seriozitetit. Vetëm atëherë do të fillojë ndryshimi i vërtetë i PD-së. Nëse nuk e bëjmë do të jemi që nesër në një krizë të re. Nëse jemi këtu për të zëvendësuar Bashën me Berishën kemi mashtruar veten. Duhen udhëheqës të rinj. Ne kemi nevojë për një brez të ri politikanësh” tha Kadilli.
Discussion about this post