Anëtarja e re e Komisionit të Rithemelimit të Partisë Demokratike, Edith Harxhi, ka deklaruar se hapi i radhës pas Kuvendit Demokrat do të jetë rikthimi në selinë e PD.
“ Do ketë një regjistrim të statutit. Ndihem e nderuar që jam anëtare e komisionit të rithemelimit. Kam qenë 18-vjeç kur është themeluar Partia Demokratike. Mendoj që ditët e ardhshme do mblidhemi si komision. Mbledhja do zhvillohet në shtëpinë tonë. Në Partinë Demokratike. Ky kuvend sot ka vendosur të hedhë poshtë vendimet e marra nga kryesia e partisë disa javë më parë edhe për të ashtuquajturin kuvend të datës 28 Dhjetor. Për mua ka rëndësi vazhdimësia e këtij procesi”, ka thënë Harxhi.
Ajo ka shtuar se mbledhjet e këtij komisioni do të zhvillohen pikërisht në PD , ndërsa më 18 Dhjetor, sipas saj nuk do të ketë Kuvend të dytë të Partisë Demokratike. Harxhi thekson se vendimet e marra nga partia e drejtuar nga Basha janë shfuqizuar sot me votën e delegatëve.
“E para referendumi në datën 18. E dyta është më pas përgatitja e kuadrit të brendshëm për zgjedhjet në PD që do vazhdojnë nga baza e deri lart. Ky program politik do jetë krejtësisht konservator. Komisioni ka marrë të gjitha funksionet. Për mua ka rëndësi legjitimetit i shumicës. Kështu që legjitimiteti i shumicës është ajo që fiton në fund. Nuk do ketë kuvend në datë 18. Ranë disa vendimet e kryetarit që ishte në detyrë deri para disa orësh. Ne do të shohim si do të vijojmë me çështjen e listave dhe problematikën”, tha Harxhi.
Discussion about this post