Zgjedhja e Lionel Messit si lojtari më i mirë i vitit 2023 ka bërë që Cristiano Ronaldo të thumbojë jo pak drejtuesit e FIFA-s.
CR7 i pyetur nga mediet shprehet se tashmë është mësuar se si funksionojnë këto organizata.
Por shton se nuk e ka ndjekur ceremoninë e ndarjes së çmimeve nga FIFA.
Sa i përket polemikave rreth shpalljes së Messit si lojtari më i mirë para Erling Haaland, i cili udhëhoqi Manchester Cityn drejt Triplete-s në sezonin 2022-23 ai thotë se është tregues se këto vlerësime po humbasin besueshmërinë.
“Duhet të analizojmë të gjithë sezonin.
Nuk do të thotë se Messi nuk e ka merituar, apo Haaland apo edhe Mbappe, thjesht nuk besoj më në këto çmime dhe nuk është sepse kam fituar çmimin Globe Soccer, por këto janë fakte, numrat janë aty dhe numrat nuk gënjejnë.
Ata nuk mund të ma heqin këtë trofe sepse është një realitet, kështu që më bën edhe më të lumtur, sepse shifrat janë fakte”, shtoi ai.
Ronalto arriti një sezon të jashtëzakonshëm në 2023, duke shënuar 54 gola në 59 ndeshje në të gjitha kompeticionet për Al-Nassr dhe ekipin kombëtar të Portugalisë.
Ai la mbrapa lojtarë si Harry Kane, Kylian Mbappe dhe Haaland për të përfunduar si golashënuesi më i mirë në botë në vitin 2023.
Discussion about this post