Ndërsa, ish-kryeministri Sali Berisha po mban Kuvendin Kombëtar të Partisë Demokratike, në orët e paradites në selinë blu po zhvillohej festa e ditëlindjes së kësaj force politike, e cila mbushi plot 31-vite. Fran Lleshi, një nga nismëtarët e PD-së në qytetin e Pukës, në një intervistë për media, u shpreh se selia blu ngjan me një mort dhe jo në një festë.
“Unë jam një nga nismëtarët e PD-së në Pukë. Kjo selia e PD-së më duket si me qenë mort jo festë. Festa është atje te stadiumi. Kam ardhur për ti marrë dhe për ti çuar atje. Këtu janë si me qenë xhenaze. Të gjithë këta që janë te selia e PD nuk janë demokratë. Këto janë demokratë pas vitit 2005. Komunizmi është gjallë prej Lulzim Bashës. I bëj thirrje Lulzim Bashës të japë dorëheqjen menjëherë”, tha Fran Lleshi.
Nga ana tjetër, Besim Ndregjoni u shpreh se “kjo është fatkeqësi për një forcë politike në Shqipëri që ditëlindjen e saj ta ndaj në dysh. Kthimi i PD-së në parti të djathtë konservatore do të ishte liria e shqiptarëve”.
Discussion about this post