Një plagosje me armë ka ndodhur mbrëmjen e së martës në Tiranë. Nga raportimet e para dyshohet se një 37-vjeçar është vetëplagosur me armën që mbante me leje.
Ngjarja ka ndodhur në afërsi të Casa Italia. I plagosuri është transportuar në spital, ndërsa policia ka nisur hetimet për ngjarjen.
Nga raportimet mësohet se i plagosuri, ish-efektiv i RENEA, identifikohet si 37-vjeçari B.B, ndërsa ngjarja ka ndodhur rreth orës 21:00. Nga të dhënat e para mësohet se ngjarja ka ndodhur aksidentalisht teksa 37-vjeçari po manovronte me armën e zjarrit. Ai ka marrë një plagë në këmbë.
Njoftimi nga Policia
Më datë 23.01.2024, rreth orës 21:00, në afërsi të Casa Italias, dyshohet se është vetëplagosur me armë zjarri (të cilën e mbante me leje), shtetasi B. B., 37 vjeç, i cili si pasojë është dëmtuar dhe ndodhet në spital, nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të ngjarjes”, njofton policia.
Discussion about this post