Ish-anëtari i Këshillit Kombëtar i PD, Indrit Hoxha, ka folur sot mbi vendimin e marrë sot nga Kuvendi për shkarkimin e Bashës. Gjatë një interviste televizive, ai u shpreh se rezultatet do të dërgohen në të gjitha institucionet, duke përfshirë edhe Komisionin e Përkohshëm të Rithemelimit që u ngrit sot. Ndër të tjera, ai sqaroi se, anëtarët e këtij komisioni do ta vijojnë punën në zyrat që kanë në selinë qendrore të PD-së.
“Do të dërgohen në të gjitha institucionet që tashmë institucioni i parë që është ngritur në PD është një institucion prej 29 anëtarësh i cili do marrë në dorëzim drejtimin e PD dhe riorganizimin e PD deri në Kuvendin tjetër më 22 Mars. Pjesa më e madhe e komisionit që është ngritur kanë zyra në selinë qendrore të PD-së kështu siç e kanë vijuar punën e tyre deri në ditën e sotme ashtu do ta vijojnë”, tha Hoxha.
Hoxha tha i bindur se delegatët nuk janë ndaluar që të shkojnë në selinë e PD dhe do të shkojnë atje, pasi është shtëpia e demokratëve. Ai u shpreh se PD-ja do ta mbajë deputet Bashën. “Delegatët e PD kanë shkuar dhe do shkojnë në selinë e PD sepse ajo është shtëpia e tyre. Askush nuk i ka ndaluar. Edi Rama nuk ka pse shqetësohet për ministrin e opozitës së tij, Lulzim Basha që do t’i ndodhë diçka. Ne do ta mbajmë deputet të PD. Bashës i kemi dhënë mundësinë nga sot për të krijuar fraksione brenda PD”, tha ai. Në fund Hoxha theksoi se demokratët e mbrojnë vetë selinë e tyre dhe nuk kemi nevojë për policinë e Edi Ramës dhe narkoshtetit.
Discussion about this post