Kamera dhe në tualet/ Ja si i monitoronte 35-vjeçari familjarët

Detaje të reja janë mësuiar në lidhje me dhunën që ushtronte ndaj familjes 35-vjeçari, Jetnor Zhaboli, në Tiranë.

I riu, me profesion ekonomist, mbante të mbyllura brenda banesës nënën, bashkëshorten dhe vajzën e tij të mitur.

Madje ai kishte shkuar deri aty sa kishte instaluar kamera edhe brenda banesës, në tualet e në dhomën e gjumit dhe i monitoronte nga telefoni kur nuk ishte në banesë.

Gjithashtu ai kishte montuar bllokues valësh në banesë në mënyrë që familjarët e tij të mos komunikonin me askënd tjetër nga jashtë.

Bashkëshortja e tij ka tentuar të kryente vetëvrasje. Uniformat blu të kryeqytetit në banesën e tyre kanë gjetur dy letra ku kjo e fundit ka shkruar për familjen e saj duke iu dhënë lamtumirën dhe ku iu kërkonte falje.

Përveçse i mbante të mbyllura në banesë, 35-vjeçari ushtronte dhunë fizike dhe psikologjike, në mënyrë të vazhdueshme, ndaj bashkëshortes.

Materialet proceduriale i kaluan Prokurorisë pranë Gjykatës së Shkallës së Parë të Juridiksionit të Përgjithshën Tiranë, për veprime të mëtejshme procedurale.