Bashkëkryetari i Komisionit të Reformës Zgjedhore ka dalë në një konferencë për mediat pas përfundimit të mbledhjes online, duke u shprehur se ky komision është ngritur me të gjitha rrymat e parlamentit.
Sipas tij pretendimi për veton, i cila është më shumë për të bllokuar dhe nuk është se sjell gjë tjetër, të mos i përmbahen kësaj.
Ai shton se mazhoranca është rehat në lidhje me këtë reformë, ndaj opozita që është më shumë e interesuar për këtë të mos e bllokojë.
“Veprime jo etike, vandale, e kanë pamundësuar mbledhjen e Reformës Zgjedhore. Ky komision është ngritur me të gjitha rrymat e parlamentit. Në përbërje ka disa flukse që përfaqësojnë të gjithë opozitën.
Pretendimit për veton është më shumë për të bllokuar, se nuk sjell ndonjë gjë tjetër. Ajo pengon njëanshmërinë, ndaj të mos i përmbaheni asaj.
Vullneti i mazhorancës është që t’i dëgjojë të gjitha palët. Flukset e opozitës të vijnë me propozime, te diskutohen edhe me eksperte te ODIHR dhe ti diskutojmë.
Mos e pengoni këtë reformë, është në interesin tuaj mbi të gjitha.
Mazhoranca mund të jetë e qetë për këtë komision, sepse është në pushtet dhe se mendon se është në përputhje me standardet Evropiane.
Ne kërkojmë që mbledhjet të zhvillohen normalisht, por do të punojmë patjetër edhe në rrugë të tjera siç është ajo online” tha Gjiknuri.
Gjiknuri ka shtuar se do të vazhdojë të insistojë për mbledhje fizike, por theksoi faktin se mjeti alternativ ekziston dhe ata që marrin iniciativa të tilla, ta harrojnë që mund ta bllokojnë.
“Unë e thash, preferoj mbledhjen fizike. Do vazhdoj të insistoj te kjo, ama mjeti alternativ mjafton. Ato që ndërmarrin iniciativa të tilla, ta harrojnë që do ta bllokojnë” shton ai.
Discussion about this post