35-vjeçari Jetnor Zhaboli, me profesionin ekonomist, u arrestua ditën e djeshme nga Policia e Tiranës, pasi akuzohet se mbante të mbyllura në shtëpi bashkëshorten, nënën e tij dhe vazjën e mitur, duke i monitoruar në çdo cep me kamera.
Ai dyshohet se ka ushtruar dhe dhunë ndaj bashkëshortes, të cilës i janë gjetur dëmtime në trup, teksa Prokuroria i ka ngritur dhe akuzën “Shkaktim të vetëvrasjes i mbetur në tentativë”.
Për këtë të fundit, shkak janë bërë disa letra të gjetura në një valixhe të hapur me kod nga 35-vjeçari në dhomën e gjumit të çiftit, ku bashkëshortja e tij shkruan fjalët lamtumirëse për të afërmit.
Letra është rrënqethëse, teksa është pjesë e dosjes së Prokurorisë.
“Më fal **** dhe **** s’mund të shkruaj shumë. Babi, nëna, gjyshi, halla, daja do t’ju flasin shumë për mamin. Do ju dua shumë edhe pse po ju lë. Bedri, Gela, Baci më falni por kurrë mos ndjeni turp për mua, s’ju turpërova kurrë.
Mami, babai, Tina faleminderit për gjithçka. Nori të dua shumë. Ky ishte gabimi im. Ju dua shumë nëse më doni dhe ju amanet fëmijët dhe duheni shumë njëri-tjetrin të gjithë. Asnji nuk ka faj për fundin tim, nuk e përballoj dot këtë stres”, shkruhej në letrën që gruaja e 35-vjeçarit kishte shkruar.
Discussion about this post