Talat Xhaferri zgjidhet Kryeministër i RMV, Hasani: Besimplotë që do përmbushë angazhimet

Ministri i Jashtëm Igli Hasani, përmes një reagimi, ka uruar Talat Xhaferin për postin e ri, atë të kryesministrit të Maqedonisë së Veriut.

Hasani shprehet besimplotë se Xhaferi dhe kabineti i tij qeveritar do të përmbushin angazhimet dhe detyrimet e programit qeveritar.

“Suksese kryeministrit të parë shqiptar në historinë e Maqedonisë së Veriut!

Besimplotë se Kryeministri Talat Xhaferi dhe kabineti i tij qeveritar do të përmbushin angazhimet dhe detyrimet e programit qeveritar, që nga organizimi i zgjedhjeve të lira, të ndershme e demokratike, vijimi i punës për realizimin e proceseve që dalin nga negociatat për anëtarësim me BE-në dhe përshpejtimi i integrimit evropian, rritja dhe zhvillimi i ekonomisë dhe lufta kundër krimit dhe korrupsionit”, thuhet në mesazhin e publikuar në faqen zyrtare të Ministrisë së Jashtme.

Suksese kryeministrit të parë shqiptar në historinë e Maqedonisë së Veriut!

Besimplotë se Kryeministri Talat Xhaferi dhe kabineti i tij qeveritar do të përmbushin angazhimet dhe detyrimet e programit qeveritar, që nga organizimi i zgjedhjeve të lira, të ndershme e demokratike,… pic.twitter.com/EfwnezJcTQ

— Albanian MEFA 🇦🇱 (@AlbanianDiplo) January 28, 2024