Vijon të mbetet mister shkaku i vrasjes së 39-vjeçarit shqiptar, Bledar Dedaj, i cili u gjet i masakruar me thika në një pyll.
Hetimet janë përqëndruar në disa pista, ndërsa po kqyren profilet e viktimës në rrjetet sociale, mesazhet dhe komunikimet telefonike, për të kuptuar se cili person do e takonte kopshtarin shqiptar në zonën ku u gjet gjysëm i zhveshur me mbi 20 goditje thike në trup.
Krimi ka ndodhur më 20 janar, por autoritetet italiane ende nuk kanë mundur të zbardhin qoftë arsyen e vrasjes, ashtu edhe autorin/ët.
Zona ku u gjet Mercedesi B-Class i Dedjes ishte nën kontroll dhe pak më larg kufoma e 39-vjeçari shqiptar.
Momentalisht hetuesit shpresojnë të gjejnë gjurmë të autorit të krimit në pjesën e brendshme të automjetit Mercedes B-Class.
Hipoteza kryesore e hedhur nga hetuesit është se bëhej fjalë për një krim seksual ose pasioni. Zbulimi i trupit me pantallona të ulura dhe plagët e shumta me thikë të shkaktuara me furi tregojnë për një krim të kryer në sulm xhelozie apo hakmarrjeje.
Sipas asaj që është rikonstruktuar deri më tani, Dedja mund të jetë joshur në pyll nga një person (grua apo burrë) që me sa duket e njihte, i cili ka vepruar si karrem, për një takim intim, ndërsa vrasësi ishte fshehur në shkurre gati për të goditur.
Hetuesit italianë kanë marrë në pyetje mbi 30 persona, përfshirë të afërm dhe të njohur të viktimës.
Discussion about this post