Reshjet intensive të shiut kanë krijuar mjaft probleme në qarkun e Vlorës dhe Fierit me daljen e lumit Vjosa nga shtrati duke sjellë përmbytje në disa banesa dhe izolim të disa zonave.
Qindra hektarë janë zgjuar nën ujë mëngjesin e kësaj të diele, ndërsa ushtria dhe autoritetet lokale kanë evakuuar dhjetëra banorë nga banesat e tyre të përmbytura.
Ndërkohë, një banor ka nisur të përlotet para të dërguarit politik të PS, Taulant Balla dhe kryetarit të bashkisë Fier, Armando Subashi duke thënë se ka lenë pas rreth 150 dele dhe ka frikë se po t’i ngordhin.
Banori: Kam lënë 150 dele. Jam këtu afër. Nga ora 3 e natës më ka ardhur uji. Kishim nja 4 vite që nuk ndodhte kjo. Po nuk pata bagëtitë unë nuk kam me çfarë të ushqehem.
Balla dhe Subashi: Merre pak dhe çojeni në spital këtë se do t’i zgjidhim të gjitha.
Discussion about this post