Socialistët nuk ndalen në mbledhjen e Komisionit për Reformën Zgjedhore, ndërsa opozita e drejtuar nga ish-Kryeministri Sali Berisha insiston në zëvendësimin e anëtarëve të saj në Komision.
Por duket se socialistët nuk kanë ndërmend të lëshojnë pe, duke i qëndruar variantit se Enkelejd Alibeaj është bashkëkryetari i ligjshëm i Komisionit, ndërsa Grupi Parlamentar i drejtuar nga Gazment Bardhi kërkon emërimin e Oerd Bylykbashit.
Dhe në debatet që pritet të vijojnë, socialistët kanë njoftuar mbledhjen e Komisionit më 6 shkurt, ora 12:30, ku pritet të zhvillohen seancat dëgjimore me organizatat e shoqërisë civile që merren me fushën e zgjedhjeve.
Njoftimi:
Më lejoni t’Ju njoftoj se ditën e martë, datë 06 shkurt 2024, ora 12:30, Komisioni i Posaçëm për Reformën Zgjedhore do të zhvillojë mbledhje me rend dite si më poshtë:
• Seancë dëgjimore me disa nga Organizatat e Shoqërisë Civile që kanë fushë të përgjegjësisë së tyre çështjet zgjedhore.
*Mbledhja do të zhvillohet pranë Sallës Pjetër Arbnori, në katin e katërt.
Discussion about this post