Ditën e sotme do të zhvillohen një pjesë e ndeshjeve të La Ligas, ndër të cilat dy janë ato që pritet të tërheqin më shumë vëmendjen e tifozëve shqiptarë.
Në orën 14:00 do të nisë takimi mes Villarreal dhe Rayo Vallecano, nga ku ylli i Kombëtares shqiptare Ivan Balliu do e nisë këtë sfidë si titullar.
Mbrojtësi e ka treguar se është vendimtar te ekipi i Vallecanos dhe për këtë arsye ai e ka fituar vendin e titullarit në disa ndeshje.
Në këtë sfidë ekipi i Balliut vjen me pozicionimin në vend të 6 të tabelës së La Ligas me 27 pikë, teksa Villarreal qëndron i 14 me 16 pikë të grumbulluara në 15 ndeshje, pasi ka luajtur një më pak se skuadra e shqiptarit.
Teksa ora 18:30 sjell një tjetër sfidë interesante me përballjen Betis-Real Sociedad. Pjesë e skuadrës së miqve është lojtari me origjinë shqiptare Adnan Januzaj. Nuk dihet nëse mesfushorit me origjinë shqiptare do i jepen minuta aktivizimi, duke ditur se marrëdhëniet e tij me klubin nuk janë në momentin më të mirë dhe që nuk është gjetur gjuha e përbashkët për rinovimin e kontratës.
Së fundmi në mediat spanjolle kanë qarkulluar zëra se shqiptari mund të kalojë te ekipi i Barcelonës, me këta të fundit që kanë shfaqur interes të lartë për kartonin e tij.
Megjithatë vëmendja kryesore sot është te ndeshja për të parë nëse ai do të luajë, që të kuptohet se si mund të jetë e ardhmja e shqiptarit./K.T/Gijotina.com
Discussion about this post