Ka përfunduar me shifrat 2-1 ndeshja e javës së 17 të Seria A mes Torinos dhe Bolognas.
Vendasit kanë mundur të marrin 3 pikët nga kjo sfidë duke u ngritur në renditje në vendin e 12 me 22 pikë, teksa Bologna vijon të jetë në vendin e 9 të tabelës së elitës së futbollit italian me 24 pikë.
Goli i parë i kësaj sfide ka ardhur në minutën e 24 nga Sanabria, i cili i dha avantazhin vendasve, duke bërë që pjesa e parë të mbyllej me shifrat 1-0. Më pas në autogoli i Skorupski në minutën e 69 e dyfishoi rezultatin për vendasit, teksa goli i vetëm nga miqtë iu realizua nga Orsolini në minutën e 79 nga pika e bardhë e penalltisë.
Megjithatë detaji më i rëndësishëm për tifozerinë shqiptare ka qenë fakti se Etrit Berisha sërish nuk është futur në fushën e lojës. Portieri i Kombëtares shqiptare nuk po mundet të gjejë hapësirë te Torino, teksa kjo gjë ndikon negativisht në ecurinë e gardianit./K.T/Gijotina.com
Discussion about this post