Arben Ahmetaj, ish-zv.Kryeministër, tha se Damian Gjiknuri u shkarkua si Sekretar i Përgjithshëm i PS-së, pasi i ka thënë Edi Ramës që ajo që po ndodhte me mua ishte shkelje procedurash nga SPAK dhe e gabuar.
Ahmetaj tha se Gjiknuri mund ta mohonte një gjë të tillë, por kjo është e vërteta. “E respektoj Damianin në shumë kënde, por kjo ishte arsyeja që ai nuk është më Sekretar i Përgjithshëm, sepse mbajti një qëndrim”, tha Ahmetaj.
Ai u shpreh se u shkarku vetëm 30 minuta pasi Ilir Meta doli nga Presidenca. “Pse duhej kjo urgjencë? Unë nuk isha njeriu i Ilir Metës, Edi Rama dhe Ilir Meta kanë qenë të njëri-tjetrit, por unë kam qenë i PS-së. Mund të më thoni njeriu i Nanos, por i Metës jo. Ka një thashethem që unë u largova nga Qeveria, pasi një nga ministret aspirantë për poste të larta, më bëri një foto në Rogner, ia çoi Ramës, ndërsa unë i jepja dorën Irfan Hysenbelliut”, tha Ahmetaj.
Discussion about this post