Harrojnë ngrohësen ndezur, shpërthejnë flakët në apartament

Një apartament në katin e 5-të të një pallati në Elbasan është përfshirë nga flakët.

Pallati ndodhet në lagjen 11 Nëntori. Sipas informacioneve, dyshohet se zjarri u shkaktua nga një ngrohëse e harruar ndezur.

Nga raportimet e para mësohet se në apartament ka vetëm dëme materiale.

Ndërhyrja e menjëhershme e zjarrfikësve bën të mundur mospërhapjen e zjarrit edhe në apartamentet ngjitur.

“Në lagjen “11 Nëntori”, dyshohet se për shkak të një shkëndije në pajisjen elektrike të ngrohjes, ka rënë zjarr në banesën e shtetasit K. K., 55 vjeç, i cili gjatë kohës që ka ndërhyrë për të fikur zjarrin, është lënduar lehtë dhe pasi mori mjekim në spital, u largua për në banesë. Grupi hetimor vijon punën për zbardhjen e plotë të shkakut të rënies së zjarrit”, tha policia e Elbasanit.