“Kreu i SPAK, Altin Dumani po bën gjithçka të mbyllë superskandalin e shekullit”, u shpreh kreu demokrat Sali Berisha, pasditen e sotme, në fjalën e mbajtur në protestën e rradhës të organizuar në rrugën pranë apartamentit ku prej më shumë se 1 muaji, qëndron në arrest shtëpie.
Berisha tha se Kryeministri i vendit është zyrtari më i damkosur në Europë sepse është kapur në flagrancë nga drejtësia e SHBA se ka korruptuar zyrtarin më të lartë të zbulimit të këtij vendi.
Sipas tij, gjithë njerëzit e ndershëm në SHBA, në Europë dhe kudo, presin përgjigjen tonë.
“Askush të mos mendojë se Dumani do të hetojë, përkundrazi Dumani është bashkautor me mbrojtjen që i bën në të gjitha krimet Edi Ramës.
Para dy javësh Dumani deklaroi se po heton skandalin McGonigal, e vërteta është se po bën gjithçka të mbyllë superskandalin e shekullit.
Asnjë nga ata që kanë denoncuar publikisht gjobëvënësit Edi Rama-McGonigal-Duçka e Neza e kompani, nuk janë thirrur për t’u pyetur.
Skapi nuk do dëshmitarë kundër Edi Ramës.
Skapi nuk do dëshmitarë kundër Erion Veliajt”, tha Berisha.
Discussion about this post