Merkatoja e janarit ka përfunduar, ndërsa ashtu sic dhe pritej, lëvizje të bujshme nuk prodhoi.
Ato interesante padyshim që nuk munguan ku këtu mund të përmendim rikthimin e Sancho tek Dortmund, kalimin e dyshes Dragusin-Werner tek Dortmundi apo dhe braziliani Roque që iu bashkua Barcelonës.
Skuadrat preferuan të mos shpenzohen shumë përgjatë 31 ditëve që lamë pas, duke konsoliduar hapësirat e lëna bosh për shkak të dëmtimeve apo pezullimeve, ndërsa buja do të jetë në verë.
Mbappe nuk prodhoi më lajm, me francezin që do të duhet të zgjedhë një tjetër afat për tu larguar nga Franca, ndërsa Reali i Madridit vijon të qëndrojë në pritje.
Benzema gjithashtu qëndroi deri në fund të këtij sezoni tek ekipit i Al Ittihad, teksa e njëjta gjë dhe me Firmino apo Jota.
Mohammed Salah, të paktën deri në fund të këtij viti futbollistik do të qëndrojë në Anfield, duke shfaqur besnikëri ndaj të kuqvfe të Klopp, me këtë të fundit që ishte bomba e janarit.
Lëvizje kishte sa i përket trajnerëve, aty ku Mourinho mbeti i papunë, duke iu bashkua kolegut të tij Antonio Conte, me këtë të fundit që vijon të jetë i lidhur me ekipin kuqezi të Milanit. Klopp njoftoi largimin në fund të sezonit nga Liverpool, ndërsa në dyshime është dhe Mikel Arteta. Xavi ishte nëj tjetër personazh i pafat, ku forma negative e Barcelonës bëri që ai të njoftojë largimin në verën e ardhshme.
Arabia Saudite vijon ti bëjë konkurrencë Evropës sa i përket futbollistëve apo trajnerëve, por gjatë muajit janar u konfirmua dhe largimi i parë nga botë arabe, ai i Henderson drejt Ajaxit.
Discussion about this post