Ngacmoi seksualisht dhe tentoi të rrëmbente 19 vjeçaren, arrestohet

Policia ka vënë në pranga një 38-vjeçar në Shkodër pas kallëzimit të bërë nga një 19-vjeçare, e cila pretendon se ai e ka ngacmuar seksualisht dhe se ka tentuar ta marrë me forcë në makinë.

“Specialistët për Hetimin e Krimeve të Komisariatit të Policisë Shkodër arrestuan në flagrancë shtetasin A. N., 38 vjeç, banues në Shkodër, pasi ka kallëzuar një shtetase 19 vjeçe, se 38-vjeçari e ka ngacmuar seksualisht dhe ka tentuar ta marrë me forcë, në automjetin e tij”, njofton policia.