Partia Socialiste ka depozituar një kërkesë për përjashtimin nga seancat plenare dhe komisionet parlamentare të deputetëve të PD, Gazment Bardhi, Flamur Noka, Asllan Dogjani dhe Bledjon Nallbati.
Sipas pretendimeve të mazhorancës, këta deputetë me veprimet e kryera ne seancën plenare të së hënës, nuk lejuan zhvillimin e saj.
Kujtojmë se seanca e radhës së kaluar ka qenë jo normale, pasi garda ndaloi hyrjen në sallë të deputetëve të opozitës.
Ndërkohë sot pritet të mblidhet Sekretariati i Etikës në Kuvend për të marrë vendim lidhur me këtë kërkesë të PS.
Sekretariati i Etikës ka përjashtuar 19 deputetë të Partisë Demokratike pas trazirave që kishin shkaktuar në komisione parlamentare dhe Parlament në seancat e mëparshme.
Deputetët e përjashtuar të PD nga Sekretariati i Etikës më datë 29 janar 2024 janë Ervin Salianji 20 ditë, Albana Vokshi, Sorina Koti, Elda Hoti, Lindita Metaliaj, Isuf Çela, Tritan Shehu, Lefter Gështenja, Helidon Bushati, Xhelal Mziu, Edmond Spaho, Oerd Bylykbashi, Saimir Korreshi, Kasëm Mahmutaj, Ramadan Likaj, Kastriot Piroli, Qani Xhafa, Lodovik Hasani dhe Luan Baçi të përjashtuar me 10 ditë.
19 deputetë të PD janë përjashtuar nga seancat plenare, për shkak të kaosit që ka mbizotëruar gjatë këtyre javëve në Parlament, teksa opozita ka bllokuar foltoren dhe ka penguar punimet normale të këtij institucioni, me pretendimin se të drejtat e tyre janë nëpërkëmbur.
Discussion about this post