Mbappe i jashtëzakonshëm, PSG e mbyll në avantazh pjesën e parë ndaj Monaco

Paris Saint-German luan mbrëmjen e sotme përballë Monacos, për t’u shkëputur edhe më shumë në rrugën për titullin kampion.

Ka mjaftuar Kylian Mbappe dhe parizienët janë në avantazhin e dy golave që në pjesën e parë. Sulmuesi francez tronditi dy herë rrjetën e kundërshtarëve, për ta dërguar skuadrën e Pochettinos më të qetë në dhomat e zhveshjes.

Goli i parë u shënua me penallti, të cilën nuk e gjuati Leo Messi dhe francezi pati nderin të dërgonte skuadrën në avantazhin minimal.

Aktualisht PSG ndodhet e para në Ligue 1 me 42 pikë dhe ndiqet nga Marseille me 32 pikë.