Sekretariati Etik në Kuvendin e Shqipërisë përjashtoi me 20 ditë nga punimet e Kuvendit deputetët e opozitës Asllan Dogjani, Flamur Noka dhe Bledion Nallbati, si dhe me 10 ditë kreun e Grupit Parlamentar demokrat Gazment Bardhi.
Vendimi ka ardhur në përputhje me kërkesën e Grupit Parlamentar socialist që kërkonte përjashtimin nga punimet e Kuvendit të deputetëve të opozitës. Ata, sipas socialistëve, kanë shkelur rregulloren e Kuvendit në seancën e fundit parlamentare, si dhe bllokuan mbledhjen e Komisionit të Posaccëm për Reformën Zgjedhore.
Në seancën e fundit parlamentare tensionet nisën pasi Garda e Republikës pengoi hyrjen e deputetëve të opozitës në sallë, ndërsa në prani të Kryeministrit Edi Rama, Kryeparlamentarja Lindita Nikolli nisi punimet e seancës, duke kaluar si diçka krejt normale atë që po ndodhte në hyrjen e godinës së Parlamentit.
Njoftimi i plotë:
“Përjashtim nga pjesëmarrja në komisione dhe në seancë plenare për 10 ditë” për deputetin Gazment Bardhi, duke filluar nga data 08.02.2024 deri më datë 17.02.2024.
“Përjashtim nga pjesëmarrja në komisione dhe në seancë plenare për 20 ditë” për secilin nga deputetët Bledjon Nallbati, Asllan Dogjani dhe Flamur Noka, duke filluar nga data 08.02.2024 deri më datë 27.02.2024.
Discussion about this post