PSG ia ka dalë këtë mbrëmje të triumfojë kundër Monacos, me skuadrën e Leo Messit që rikthehet te fitorja.
Parisienët vinin në këtë përballje pas dy barazimeve në kampionat, atë kundër Nice dhe Lens, por ‘Topi i Artë’ i fituar nga lojtari i tyre, duket se ishte një ogur i mirë, ku për këtë arsye, të gjitha fanellat e PSG ishin të shkruajta me shkrime në ngjyrë floriri.
Pas 12 minutash lojë në favor të PSG akordohet një penallti, të cilën e konvertoi në gol Kylian Mbappe. Sërish Mbappe do të finalizonte një aksion të nisur nga Messi në fundin e pjesës së parë, që shënon gol, me shifrat e këtyre 45 minutave që mbyllen në 2-0.
Në gjysmën e dytë nuk pati gola të tjerë dhe lideri i Ligue 1 triumfoi falë punës së bërë në pjesën e parë.
Në përfundim të këtij takimi, PSG vazhdon të forcojë pozitat në krye të Ligue 1, me 45 pikë, ndërsa Monako gjëndet në vendin e tetë me 26 pikë.
Discussion about this post