Një 43-vjeçar është arrestuar nga policia në Tiranë, pasi në automjet i janë gjetur shuma të mëdha parash dhe lëndë narkotike.
Policia bën me dije se në pranga ka rënë shtetasi me iniciale D. B., 43 vjeç, banues në Tiranë.
Gjatë kontrollit fizik ndaj 43-vjeçarit dhe kontrollit në automjetin e tij, shërbimet e Policisë gjetën sasi lënde të dyshuar narkotike kokainë, 5350 euro, 2800 franga dhe 10 000 lekë të rinj.
Sipas bluve këto para dyshohet se janë të përftuara nga veprimtaria kriminale e shitjes së lëndëve narkotike, të cilat u sekuestruan në cilësinë e provës materiale, bashkë me automjetin.
Nga veprimet hetimore ka rezultuar se ky shtetas e siguronte lëndën narkotike në sasi dhe më pas e ndante në doza, të cilat i shiste në zona të ndryshme të Tiranës.
Discussion about this post