Kreu demokrat Sali Berisha i ka kujtuar Kryeministrit Edi Rama dhe Kryebashkiakut Erion Veliaj rastin e Sajmir Tahirit, ish-ministrit të Brendshëm që përfundoi në burg, edhe pse ishte takuar me Presidentin amerikan në zyrën ovale në Shtëpinë e Bardhë.
Reagimi i Berishës erdhi pas lëvdatave apo elozheve që Sekretari amerikan i Shtetit, Antony Blinken, i thuri Edi Ramës dhe Erion Veliajt, gjatë vizitës disa orëshe në Tiranë.
“Harrojini lëvdatat, edhe Tahirin e çuat në Dhomën Ovale, por do keni fatin e tij dhe të McGonigal
Shqipëria sot është moniste, Edi Rama dhe Linda e Parlamentit preferuan të mbajnë përjashtimin e deputetëve të opozitës, të mos shtyjnë seancën dhe të ftojnë Sekretarin e Shtetit t’i adresojë siç ka qenë tradita që nga viti 1991, fjalët e tyre nga parlamenti shqiptar.
Pra, gjithçka u zhvillua sipas një skenari kryekëput monist.
Deputetëve të parlamentit iu janë mohuar të drejtat kushtetuese.
Kryetari i partisë më të madhe është vendosur në arrest shtëpie vetëm e vetëm pse ka mbrojtur interesin e kombit shqiptar, ka denoncuar me të gjithë fuqinë e tij skandalet, vjedhjet e shekullit të Edi Ramës.
Por me këtë rast, dua të theksoj dy momente. Së pari çdo shqiptar duhet ta dijë se nesër për herë të parë në historinë e marrëdhënieve shqiptaro-amerikane, në Uashington gjykohet shefi i kundërzbulimit të FBI, në një dosje kriminale të përbashkët me kryeministrin e Shqipërisë, Edi Rama.
Dhe e garantoj Edi Ramën se drejtësia vonon, por nuk të harron!
Dhe mos të qeshë buza se s’ka lavdërim, s’ka lëvdatë, se nuk ka asgjë që nuk mund të shpëtojë ty nga verdikti i drejtësisë për aktin madhor korruptiv ndërkombëtar, korruptimin e McGonigalit.
Me këtë rast, i them kryehajdutit të kombit, Edi Rama dhe Erion Veliasë, mos harroni se sot vërtet lavdëroheni, ndërkohë që shqiptarët kanë absolutisht mendime krejt të kundërta. Çdo shqiptar ju di ju për hajdutë.
Mirëpo kujtoni pak Saimir Tahirin, që e çuat në Dhomën Ovale te Obama. Edhe atëherë ju paralajmërova. Drejtësia vonon, por vonon, por nuk harron.
Ju garantoj se fati i tij u pret, se fati i McGonigalit ju pret!
Natyrisht hetimet me grupin e strukturuar kriminal në Skapin e partisë janë të pashpresë”, tha Berisha.
Discussion about this post