Kryetarja e Kuvendit të Shqipërisë, Lindita Nikolla, ka komentuar sot në një konferencë për mediet vendimin e presidentit Ilir Meta për kthimin mbrapshtë të projektbuxhetit 2022. Nikolla u shpreh se këto gjëra tanimë janë kthyer “në rrugë” nga ana e kreut të shtetit, por sipas saj, komisionet përkatëse kanë vullnetin, madje edhe deputetët e opozitës, për ta shqyrtuar dhe diskutuar argumentet e Metës.
“Fatkeqësisht është kthyer në një normë tashmë që Presidenti kthen ligje të rëndësishme. Por, megjithatë komisionet përkatëse kanë vullnetin, madje edhe deputetët e opozitës, për të shqyrtuar të gjitha argumentet e Presidentit, në një proces të rregullt parlamentar. Madje do të kemi edhe një debat për këtë çështje në seancë plenare”, është shprehur në lidhje kryetarja e Kuvendit. Në argumentet e dhëna nga Presidenti Meta, ai e ka cilësuar këtë buxhet si antisocial, pasi nuk parashikon asnjë plan për bizneset dhe njerëzit në nevojë.
Discussion about this post