Pak minuta më parë kryetarja e Kuvendit, Lindita Nikolla, tha në një konferencë për mediet se kthimi mbrapsht i projektbuxhetit 2022 nga presidentin nuk përbën shqetësim, pasi ky i fundit e ka kthyer në normë këtë gjë. Nuk ka vonuar shumë dhe ka ardhur menjëherë një përgjigje nga Ilir Meta. Përmes një postimi në Facebook ai shkruan se nuk mund ta kalojë këtë buxhet, pasi ai dëmton fermerët dhe prodhimet vendase.
Sipas tij, është e turpshme që qeveria ka reduktuar buxhetin dhe mbështetjen për fermerët në vitin 2022. “Buxheti 2022” dëmton fermerët shqiptarë dhe godet prodhimin vendas. Nuk e dekretova me miratim sepse Qeveria ka ulur fondet për bujqësinë, nga 0.73% në 0.68% të Prodhimit të Brendshëm Bruto dhe nuk ka plotësuar kërkesat e fermerëve, që po protestojnë. Mbështetja e sektorit të bujqësisë është jetik për ekonominë e vendit dhe dëgjimi i zërit të fermerëve është i domosdoshëm”, duke u shprehur i vendosur se nuk e kalon këtë projektbuxhet pa u bërë rishikimet e duhura.
Discussion about this post