Tërmet i fortë në këtë vend, ja sa ishte magnituda

Një tërmet i fuqishëm ka goditur Bosnje dhe Hercegovinën mëngjesin e së hënës, rreth orës 09:20.

Sipas informacioneve të para, tërmeti ka qenë me magnitudë 4.2 ballë të shkallës Rihter. Epiqendra  e tërmetit u regjistrua 17 kilometra në veri të Sarajevës në një thellësi prej gjashtë kilometrash.

Sipas mediave lokale, qytetarët e Sarajevës dhe rrethinave të saj kanë thënë se tërmeti është ndjerë fuqishëm dhe ka zgjatur për disa sekonda.

“Dridhje e shkurtër, por e fortë”, “Dy goditje të shkurtra, më pak se katër sekonda”, “E shkurtër por e qartë”, “Vërtet u drodh Sarajeva”, kanë shkruar disa prej tyre në mediat sociale.

Aktualisht nuk ka informacione për pasoja në jetë njerëzish apo dëme materiale.