Ministria e Financave ka miratuar shumat që supozohet se duhet të përdoren nga buxheti I shtetit për kompensimin e pronarëve. Bëhet me dije se është parashikuar që nga buxheti të paguhen rreth 130 milionë dollarë në favor të pronarëve të cilëve u është njohur me vendim përfundimtar e drejta e kompensimit të pronave. Konkretisht, qeveria ka akorduar një fond prej 4.2 miliardë lekësh në vitin 2022, 4.7 miliardë në vitin 2023 dhe po 4.7 miliardë në vitin 2024. Fonde të cilat përsëri me shumë gjasa do të mbeten të pashpërndarë.
Për shkak se që në 2020 procesi i kompensimit të pronave është bllokuar për shkak të vendimit të Gjykatës Kushtetuese, e cila ka kërkuar ndryshimin e disa akteve nënligjore. Deri më tani akoma nuk ka dalë një ligj i ri apo i ndryshuar mbi kompensimin e pronave çka ka bërë që fondet e vendosura për këtë zë të mbeten pa u shpërndarë, por ku shkojnë paratë që akordohen çdo vit?!
Kujtojmë se gjatë vitit 2021 kanë vijuar kompensimet vetëm për pronat me trajtimin me kërkesë të veçantë, formulë që u jep mundësi pronarëve të marrin jashtë radhe kompensimin, nëse pranojnë të heqin dorë nga pjesa dërrmuese e shumës totale. Sakaq, bëhet me dije se aktualisht po punohet me anëtarët e grupit të punës në Ministri si dhe me një grup pune nga Avokatura e Shtetit, për të konkluduar në propozimin përfundimtar i cili do të dërgohet Këshillit të Ministrave dhe Kuvendit të Shqipërisë për miratimin e tij. Por deri sa këto institucione përgjegjëse të dalin në një përfundim dhe derisa Parlamenti të miratoj projektligjin e ri, ku do të shkojnë paratë e pronarëve që presin me vite të kompensohen.
Discussion about this post