Rënia e Euro-s kundrejt Lekut, Zef Preçi: Tregu i pompuar nga paraja e zezë

Emisioni “Të Paekspozuarit” u trajtua rënia e madhe në euros, monedhës evropiane, në krahasim me monedhën vendase lekun.

Sipas të dhënave të Bankës së Shqipërisë, nga 121 lekë, para pak vitesh, euro sot këmbehet me 103.8 lekë, me një rënie të fortë.

Sipas ekspertit të ekonomisë, Zef Preçi, kjo tregon për një pompim të tregut me para me origjinë informale dhe kriminale. Preçi tha se ajo që deklarohet për amnistinë fiskale është bërë në praktikë, duke sjellë si shembull ndërtimet e shumta shumëkatëshe (kullat) në Tiranë.

“Luhatjet e mëdha dhe mbiçmimi i lekut edhe kur ekonomia nuk performon si duhet flasin për pompim të tregut me para me origjinë informale dhe kriminale. Kanabizimi, aministia fiskale që de facto ka ndodhur.

Vetëm sektori i ndërtimit performon me rritje, ndërkohë që bujqësia ka rënë me një të katërtën.

Këto 12 miliardë euro të kthyera në Shqipëri, janë rreth 48 për qind e GDP-së. Prurjet e emigracionit janë 600-900 mln euro në vitet e fundit. Janë konvertuar kanë lindur nevojë për blerje në tregun e brendshëm”-tha Preçi.