Mbështetës të opozitës prej orës 16:00 kanë nisur të mblidhen në selinë e Partisë Demokratike, nga ku së bashku me deputetët do të zbresin në drejtim të bul;evardit “Dëshmorët e Kombit” atje ku në orën 17:30 pritet të nisë protesta.
Gazment Bardhi, kreu i Grupit Parlamentar demokrat, tha se pret një protestë masive, ku do të ketë familjarë me fëmijët e tyre në protestë.
“Pjesëmarrje masive e qytetarëve. Protestë paqësore, protestë me fëmijë dhe familjarët e tyre. Mesazhet do t’i shikoni në shesh”, u shpreh ai.
Policia e Shtetit ka dhënë leje 4 orëshe për zhvillimin e protestës, ndërsa janë blinduar zona e Kryeministrisë dhe godinat e tjera qeveritare. Në terren, sipas raportimeve, janë në gadishmëri 1100 forca policore dhe të Gardës, përfshi këtu edhe njësi nga RENEA, reparti “Shqiponja”, FNSH.
Protestuesve pritet ti drejtohet me një mesazh, përmes Skype, edhe ish-Kryeministri Sali Berisha, i cili ndodhet në arrest shtëpie.
Kjo është protesta e parë që organizohet nga opozita dhe Berisha nuk merr pjesë direkt për shkak të vendimit të dhënë nga GJKKO më 30 dhjetor 2023.
Discussion about this post