Policia e Shtetit ka dhënë një informacion zyrtar lidhur me helmimin e disa punonjëseve të një kompanie koreane që operon në Fier, të cilat kanë shfaqur probleme shëndetësore, gjatë procesit të punës.
Ngjarja ka ndodhur mbrëmjen e së mërkurës, ndërsa Policia bën të ditur se 8 punonjëse kanë shfaqur probleme shëndetësore, por vetëm një prej tyre është shtruar në spital.
Policia bëri të ditur se 7 prej tyre kanë marrë ndihmën e parë në ambientet e kompanisë, dhe janë larguar në banesë.
“Rreth orës 20:30, disa punonjëse të një kompanie për prodhimin e sistemit elektrik dhe të pjesëve automobilistike, kanë shfaqur probleme shëndetësore dhe kanë kërkuar ndihmë mjekësore.
7 prej tyre kanë marrë ndihmën e parë në ambientet e kompanisë, dhe janë larguar në banesë, ndërsa njëra prej tyre vijon të marrë ndihmën mjekësore në spital, ku ndodhet jashtë rrezikut për jetën.
Grupi hetimor po punon për përcaktimin e shkakut dhe dokumentimin e plotë ligjor të ngjarjes”, njofton policia.
Discussion about this post