Përfundon samiti për Ukrainën, liderët realizojnë foton familjare

Pas gati 1 orë punime, ka përfunduar samiti në nder të Ukrainës, që po mbahet në Tiranë.

Pas daljes nga salla e Pallatit të Kongreseve, pjesëmarrësit bënë një foto familjare.

Ka përfunduar Samiti Ukrainë-Evropa Juglindore në Pallatin e Kongreseve. Pas mbylljes së punimeve, liderët e pranishëm në Samit kanë realizuar foton familjare.

Të pranishëm në foton familjare ishin liderët e Evropës Juglindore dhe presidenti i Ukrainës, Volodymyr Zelensky i cili qëndronte në krahun e majtë të kryeministrit Edi Rama.

Ndërkohë, Presidentja e Kosovës, Vjosa Osmani u rreshtua në krah të djathtë të kreut të qeverisë.

Ndërsa, presidenti serb Aleksandër Vuçiç, qëndronte krah homologut ukrainas Volodymyr Zelensky.

I pari që ka folur në samit ka qenë kryeministri Rama, i cili tha se lufta nisi nga një ëndërr e vjetër perandorake, ku presidenti rus Putin synonte fshirjen e Ukrainës nga harta.

Ndërkohë presidenti i Ukrainës Zelensky ka propozuar krijimin e një forumi të posaçëm për industrinë e mbrojtjes mes vendit të tij dhe Ballkanit.