Dy viktimat në Korçë, zbardhet shkaku i krimit të dyfishtë

Emiljano Pine dhe Ilia Lluka alias Jorgo Prifti ishin viktima të një krimi të dyfishtë që tronditi qytetin e Korçës mbrëmjen e së mërkurës.

Sipas policisë, Lluka ka qëlluar ndaj Pines me një pistoletë dhe më pas ka vrarë veten. Pine humbi jetën teksa transportohej në spital, ndërsa Lluka u gjet i shtrirë në vendin e ngjarjes, pa shenja jete. Policia nisi hetimet mbi ngjarjen, ndërsa pamjet nga kamerat e sigurisë, kanë zbardhur të gjithë dinamikën e krimit.

Ndërkohë nga raportimet mësohet se shkaku që po hetohet nga policia lidhur me vrasjen dhe më pas vetëvrasjen, e autorit të dyshuar, është një konflikt për pronën.

Babai i Ilia Llukës bashkëjetonte me mamanë e Emiljano Pines. Në këto kushte babai i Llukës kishte vendosur që banesën tia linte trashëgimi Pines, pra djalit të bashkëjetueses së tij.

Kjo duket qe nuk është pranuar nga i biri, i cili vendosi të zgjidhë mosmarrëveshjen e krijuar me armën e zjarrit. Fillimisht ka qëlluar 4 herë në drejtim të Emiljano Pines, dhe më pas Ilia Lluka ka vrarë veten.