Edhe Mogherini shqiptare, Rama: Kënaqësi t’i ofrojmë nënshtetësinë

Kryeministri Edi Rama ka paralajmëruar se do t’i japë nënshtetësinë shqiptare, Federica Mogherintit.

Gjatë një fjalimi shkurt në nënshkrimin e marrëveshjes mes ministrisë së Arsimit dhe Kolegjit Evropian, Rama u shpreh se “do jetë nder ta konsiderojmë si shtetase shqiptare”.

“Unë nuk isha përgatitur që të flisja dhe nuk do të mbaj fjalim. Dua vetëm të ndaj me të gjithë ju atë që ka bërë Frederica. Nuk e fsheh kënaqësinë që të kemi Fredericën që i afrohet asaj pike ku ne ofrojmë nënshtetësinë shqiptare.

Do të jetë më shumë se një nder që ta konsiderojmë atë si shqiptare. Ardhja e Kolegjit të Europës na bën krenar. Ky do të jetë destinacion i mirëfilltë europian arsimimi. Jo vetëm sa i takon programeve, por dhe cilësisë së jetës”, tha Rama.