Detaje të reja janë bërë të njohura pas kallëzimit të një gardisti në komisariatin nr.1 të Policisë në Tiranë, se i kanë vjedhur në banesë armën e shërbimit.
Punonjësi i gardës ka deklaruar para grupit hetimor se armën ia kanë vjedhur në banesë persona të paidentifikuar.
Burime bëjnë me dije se nga hetimet e deritanishme policia nuk ka zotëruar prova që kemi të bëjmë me një vjedhje arme edhe pse hetimet janë në fazë paraprake.
Gardisti pretendon se armën për herë të fundit e ka lënë në banesë, ndërkohë që policia po heton në disa pista, jo vetëm në versionin që deklaron punonjësi i Gardës.
Mësohet se blutë kanë sekuestruar kamera sigurie për të parë nëse në banesën e gardistit janë futur persona që sipas tij i kanë vjedhur armën.
Discussion about this post